प्रभावी सूत्रसंचालन 🎤गांधी जयंती

 

🎤 महात्मा गांधी जयंती व लाल बहादूर शास्त्री जयंती कार्यक्रमाचे प्रभावी सूत्रसंचालन 🎤

🌸 प्रारंभिक सुरुवात-

    “सुप्रभात! आजचा दिवस आपल्यासाठी अतिशय पवित्र आणि प्रेरणादायी आहे. २ ऑक्टोबर – हा दिवस केवळ भारतासाठीच नव्हे तर संपूर्ण जगासाठी विशेष आहे. आजच्याच दिवशी अहिंसा व सत्याचे पुजारी राष्ट्रपिता महात्मा गांधीजी आणि साधेपणा, प्रामाणिकपणा व कार्यठिकाणी कर्तव्यनिष्ठा यांचे प्रतीक असलेले माजी पंतप्रधान लाल बहादूर शास्त्रीजी यांची जयंती आपण साजरी करत आहोत.
    या विशेष प्रसंगी उपस्थित सर्व मान्यवरांचे, शिक्षकांचे, पालकांचे आणि विद्यार्थ्यांचे मी मनःपूर्वक स्वागत करतो.”

★ पाहूणे स्थानापन्न करणे - "हिऱ्याशिवाय कुंदणाला शोभा नाही... 

गोडीशिवाय ऊसाला शोभा नाही...!!  

सुगधांशिवाय फुलाला शोभा नाही... 

तसेच अध्यक्षांशिवाय कार्यक्रमालाही शोभा नाही...!!  म्हणून आजच्या कार्यक्रमाचे अध्यक्ष स्थान माननीय.... यांनी स्विकारावे अशी मी त्यांना विनंती करतो.
यानंतर कार्यक्रमाचे प्रमुख अतिथी यांना सन्मानपूर्वक स्थान ग्रहण करण्यास सुचित करावे.

🌼 दीपप्रज्वलन / प्रतिमा पूजन-
“आता आपण दोन थोर नेत्यांच्या प्रतिमेसमोर पुष्पार्पण व दीपप्रज्वलन करून कार्यक्रमाची सुरुवात करूया.
आपल्या ……. कार्यक्रमाचे अध्यक्ष मुख्य अतिथी यांना विनंती की त्यांनी प्रतिमापूजन करावे.”

दीप प्रज्वलन- 

ज्योत तेवते समतेची... 

ज्योत तेवते त्यागाची... 

ज्योत तेवते क्रांतीची अन् समर्पणाची... 

या ज्योतीने एकच संदेश दिला आहे.... 

स्वतःसाठी जगता जगता दुसऱ्यासाठी जगून पाहावं.... आणि म्हणूनच या दिपाला म्हणजे दिव्याला साक्षी ठेवूनच आपण कार्यक्रम साजरा करत असतो...  म्हणून मी विनंती करतो, की मंचावरील सर्व मान्यवरांनी दीपप्रज्वलन करावे..।।

★ प्रमुख अतिथींचे स्वागत -       अतिथिंच्या आगमनाने... 

हर्षित झाला सारा मेळा...!!  

धन्य धन्य होऊनी करितो... 

हा स्वागताचा सोहळा... 

हा स्वागताचा सोहळा...!!

   प्रथम कार्यक्रमाचे अध्यक्ष व त्यानंतर जेष्ठतेनुसार प्रमुख अतिथी यांचे स्वागत करावे.

🎶 प्रार्थना / गीत- 

  “गांधीजींचे भजन – ‘वैष्णव जन तो तेने कहिये जे, पीर परायी जाणे रे…’ जगाला मानवी संवेदनशीलतेचा संदेश देतं.
आता आपल्या शाळेतील गीत मंचाचे विद्यार्थी प्रार्थना सादर करतील.”

📜 थोर व्यक्तींचा परिचय-

“२ ऑक्टोबर हा दिवस आपल्याला दोन महान व्यक्तिमत्वांची आठवण करून देतो.
👉 हात्मा गांधीजी – राष्ट्रपिता, स्वातंत्र्य संग्रामातील सत्याग्रह आणि अहिंसेचे जनक.
👉 लाल बहादूर शास्त्रीजी – ‘जय जवान, जय किसान’ हा नारा देणारे जनतेचे पंतप्रधान.
त्यांच्या विचारांचा आजही आपल्या जीवनावर परिणाम होत आहे.”

★ मान्यवरांचे मार्गदर्शन-

“आता मी ……. सर यांना विनंती करतो की त्यांनी आपले मार्गदर्शनपर विचार व्यक्त करावेत.”

❀ विद्यार्थी कार्यक्रम / कविता / भाषण / नृत्य-
“गांधीजींचे जीवन आणि शास्त्रीजींचे विचार
“जर देशाला शक्तिशाली बनवायचे असेल तर प्रत्येक नागरिकाने आपले कर्तव्य प्रामाणिकपणे पार पाडले पाहिजे.”
    या विचारांनी प्रेरित होऊन विद्यार्थी वर्ग आपल्या पुढे भाषण, गाणी व नाटिका सादर करणार आहेत.
चला, त्याचा आनंद घेऊया.”

❀ अध्यक्ष भाषण :~
प्रभावशाली नेतृत्व, आभाळाएवढं कर्तृत्व, अशे कर्त्यवदक्ष.. कार्य कुशल आजच्या कार्यक्रमाचे अध्यक्ष आदरणीय...... यांनी आपले विचार प्रकट करावे.

🌟 संकल्प घेणे-
“गांधीजींचा एक सुंदर विचार आहे – “तुम्ही जगात पाहू इच्छित असलेला बदल, तो बदल स्वतःमध्ये घडवा.”
आणि शास्त्रीजींनी म्हटले – “निष्ठा आणि कर्तव्यनिष्ठा हीच खरी देशसेवा आहे.”
चला, या विचारांनी प्रेरित होऊन आपण सर्वजण सत्य, अहिंसा, साधेपणा, प्रामाणिकपणा आणि राष्ट्रप्रेम यांचा संकल्प करूया.”

🌟 आभार प्रदर्शन -
"कार्यक्रमाच्या यशस्वी आयोजनासाठी अनेकांनी मेहनत घेतली. मी उपस्थित सर्वांच्या वतीने सर्व गुरुजनांचे, उपस्थित पालकांचे, विद्यार्थ्यांचे आणि कार्यक्रम संयोजकांचे मनःपूर्वक अभिनंदन करतो...!!
   आभार प्रदर्शन व्यक्त करण्यासाठी आदरणीय.... यांना निमंत्रित करतो.
“आजच्या या प्रेरणादायी कार्यक्रमाला उपस्थित राहिल्याबद्दल सर्व मान्यवर, शिक्षकवृंद, पालक आणि विद्यार्थ्यांचे मी मनःपूर्वक आभार मानतो.
    चला तर, आपण गांधीजी आणि शास्त्रीजींच्या विचारांना आपल्या कृतीत उतरवूया.”