शाहू महाराज जयंती सूत्रसंचालन

  आगतम - स्वागतम - सुस्वागतम !

हिरे माणिक सोने उधळा जय जय कर करा...
सुख दुःखाच्या वादळात हा गरीबाचा वाली...
महाराष्ट्राचा उद्धारक तू जनतेचा राजा तू...
जय राजश्री शाहू राजा तुला हा मानाचा मुजरा..!

मी ........... सर्वप्रथम आपणा सर्वांचे स्वागत करतो व आजच्या कार्यक्रमाला सुरुवात करतो !

    राजश्री शाहू महाराजांचे मूळ नाव यशवंतराव होते त्यांचा जन्म कोल्हापूर जिल्ह्यातील कागल येथील घाटगे गावात घराण्यात झाला महाराजांनी सुमारे 28 वर्ष राज्यकारभार केला . त्यांनी आपल्या राज्यात प्राथमिक शिक्षण सक्तीचे व मोफत केले. स्त्री शिक्षणाचा प्रसार व्हावा म्हणून त्यांनी राजाज्ञा काढली, अस्पृश्यता नष्ट करण्याच्या दृष्टीने त्यांनी सवर्ण व अस्पृश्यांचा वेगळ्या शाळा भरण्याची दृष्टी पद्धत 1919 मध्ये बंद केली. अशा या जाणत्या राजाची जयंती साजरी करण्यासाठी आज आपण जमलो आहोत .

★  स्थानापन्न करणे :-

पावसाच्या थेंबाने धरती सुगंधी होते आणि सुखावते !
चांगल्या माणसाच्या सानिध्याने जीवन आनंदी होते आणि नाते घट्ट होते !

म्हणूनच तुमच्या सारखी चांगली माणसे भेटणे म्हणजे भाग्यच असते!

असेच प्रेम आपुलकी जिव्हाळा जपणारी उत्तुंग व्यक्तिमत्त्वाचे धनी असणारे श्री ------------ कार्यक्रमाचे अध्यक्षस्थान स्वीकारतील अशी मी त्यांना विनंती करतो !

★  कार्यक्रमाचे अध्यक्ष :-

 ज्या माणसाला सतत शुभ  आणि आशावादी विचार करण्याची सवय असते त्याचे मन आनंदाने उत्साहाने भरलेले राहते आणि उत्साही मनाच्या माणसाला नेहमीच यशप्राप्ती होते!
म्हणून सकारात्मक आशावादी आणि विचार हीच यशस्वी होण्याची गुरुकिल्ली आहे. अशा गुरुकिल्ली लिहिणारे आपले मार्गदर्शक श्री.....................  हे स्थान स्वीकारतील अशी मी त्यांना विनंती करतो !

★  *प्रमुख पाहुणे :-

   आज इथल्या थोरवीला किर्तीचा हा गंध आला,!पावलानी आपुल्या सारा आसमंत दुमदुमला  !!

तसेच कार्यक्रमाला योग्य दिशा व मार्गदर्शन करण्यासाठी पुरुष प्रधान संस्कृती आपल्या कार्यामुळे वेगळेपण जोपासलेल्या............... आजच्या कार्यक्रमाचे प्रमुख पाहुणे म्हणून श्री.............. हे स्थान स्वीकारतील अशी मी त्यांना विनंती करतो!

★  पूजन व दीपप्रज्वलन :~
★  स्वागत/पुष्पगुच्छ :~
★  कार्यक्रमाचे प्रास्ताविक :~

गुरूजनांचा आशीर्वाद घेवून

साथ दयावी सर्वांनी मिळून...

आजच्या कार्यक्रमाचा उद्देष

जाणूण घ्यावा प्रास्ताविकेतून...!

आजच्या या विशेष कार्यक्रमाचे प्रास्तविक सन्माननीय..... करतील अशी मी विनंती करतो..

 ◆छत्रपती शाहू महाराज जयंती कार्यक्रमासाठी प्रास्ताविक –

🙏 नमस्कार,

   आजच्या या अत्यंत सन्माननीय आणि गौरवशाली प्रसंगी, मी सर्वप्रथम उपस्थित सर्व मान्यवर, शिक्षकगण, पालक, विद्यार्थी आणि नागरिकबंधू यांचे मन:पूर्वक स्वागत करतो.

   आज आपण येथे एकत्र आलो आहोत ते राजर्षी छत्रपती शाहू महाराज यांची जयंती साजरी करण्यासाठी. एक महामानव, एक सामाजिक क्रांतिकारक, आणि एक दूरदृष्टी असलेला शासक म्हणून त्यांचे योगदान अजरामर आहे.

छत्रपती शाहू महाराज हे केवळ कोल्हापूरच्या गादीवरील राजा नव्हते, तर ते सामाजिक न्यायाचे अग्रदूत होते. त्यांनी आपल्या कारकिर्दीत अस्पृश्यता नष्ट करण्यासाठी, शिक्षण सर्वांपर्यंत पोहोचवण्यासाठी, आणि सामाजिक समता प्रस्थापित करण्यासाठी अनेक क्रांतिकारी निर्णय घेतले. १९०२ साली बहुजन समाजासाठी राखीव जागा लागू करून त्यांनी आरक्षणाचा पाया घातला, हे आपण विसरू शकत नाही.

   त्यांच्या कार्यातून प्रेरणा घेऊन आजही अनेक सामाजिक संस्था, कार्यकर्ते आणि शासनव्यवस्था समाज परिवर्तनाच्या दिशेने कार्यरत आहेत.

   आजच्या या कार्यक्रमामध्ये आपण त्यांच्या जीवनकार्याचा अभ्यास करणार आहोत, त्यांच्या विचारांची आठवण ठेवून समाजहिताचे संकल्प करणार आहोत.

    या कार्यक्रमाचे आयोजन केल्याबद्दल आयोजक मंडळाचे मन:पूर्वक अभिनंदन करतो. आणि उपस्थित सर्वांना जयंतीच्या हार्दिक शुभेच्छा देतो.

!!जय शाहू महाराज..! जय हिंद.. जय भारत..!!

★  मार्गदर्शन :~

बोलके करण्यास हवे असते संभाषण

आधारासाठी हवे असते आश्वासन..!

योग्य दिशा मिळण्यासाठी

आवश्यक आहे मार्गदर्शन...!!

★  अध्यक्षीय भाषण:~

ज्ञानरूपी मार्गाच्या

पदक्रमातून कळस गाढू प्रगतीचा...!

त्यासाठी मान आहे

अध्यक्षीय मार्गदशनाचा...!!

★  आभार प्रदर्शन :~

थेंबाथेंबाने तलाव भरतो

हाताहाताने कार्यक्रम फुलतो

जेथे जेथे आहेत या कार्यक्रमाचे शिल्पकार

तेंव्हा मानलेच पाहिजेत त्यांचे आभार.

    कार्यक्रमाचे आभार प्रदर्शन माननीय.... करतील अशी मी विनंती करतो