राष्ट्रीय क्रीडा दिन -२९ ऑगस्ट

राष्ट्रीय क्रीडा दिन मेजर ध्यानचंद यांच्या स्मरणातून क्रीडाचे महत्त्व

भारताचा राष्ट्रीय क्रीडा दिन आरोग्य खेळाडूवृत्ती आणि राष्ट्रीय ऐक्याचा संदेश

राष्ट्रीय क्रीडा दिन खेळातून व्यक्तिमत्व विकास आणि राष्ट्रनिर्मिती

   भारतामध्ये दरवर्षी २९ ऑगस्ट रोजी राष्ट्रीय क्रीडा दिन साजरा केला जातो हा दिवस हॉकीचे जादूगार म्हणून ओळखले जाणारे मेजर ध्यानचंद यांच्या जन्मदिनानिमित्त साजरा केला जातो मेजर ध्यानचंद यांनी त्यांच्या उत्कृष्ट खेळ कौशल्यामुळे भारताला आंतरराष्ट्रीय स्तरावर मानाचे स्थान मिळवून दिले त्यामुळे राष्ट्रीय क्रीडा दिनाला विशेष महत्त्व आहे.

क्रीडा हे केवळ मनोरंजनाचे साधन नसून शारीरिक तंदुरुस्ती मानसिक स्वास्थ्य शिस्त आणि टीम स्पिरिट वाढवण्याचे प्रभावी साधन आहे आजच्या व्यस्त जीवनशैलीमध्ये खेळांचे महत्त्व आणखी वाढले आहे कारण खेळामुळे केवळ शरीर निरोगी राहत नाही तर व्यक्तिमत्व विकासासाठीही क्रीडा अत्यंत आवश्यक आहे

राष्ट्रीय क्रीडा दिनानिमित्त शाळा महाविद्यालये आणि विविध संस्था क्रीडा स्पर्धांचे आयोजन करतात यामध्ये विद्यार्थ्यांना आणि युवकांना खेळांमध्ये सक्रिय सहभाग घेण्यास प्रोत्साहित केले जाते सरकारही या दिवशी देशातील खेळाडूंना विविध पुरस्कार आणि सन्मान देऊन गौरविते. राजीव गांधी खेल रत्न पुरस्कार, अर्जुन पुरस्कार आणि द्रोणाचार्य पुरस्कार या दिवशी प्रदान केले जातात.

क्रीडा म्हणजे फक्त जिंकणे किंवा हरवणे नाही तर खेळाडूवृत्ती शिस्त परिश्रम आणि संघर्ष करण्याची ताकद या मूल्यांचा अंगीकार करणे होय आजच्या तरुण पिढीने मोबाईल आणि संगणकावर वेळ घालवण्याऐवजी मैदानी खेळात जास्तीत जास्त सहभागी होणे आवश्यक आहे कारण यामुळे केवळ शारीरिक तंदुरुस्ती वाढत नाही तर समाजात एकता बंधुता आणि राष्ट्रीय ऐक्यही दृढ होते.

राष्ट्रीय क्रीडा दिन आपल्याला आठवण करून देतो की खेळ हे जीवनाचा अविभाज्य भाग आहेत निरोगी शरीरातच निरोगी मन वसते आणि निरोगी नागरिकांमुळेच निरोगी राष्ट्र घडते म्हणून प्रत्येकाने आपल्या दैनंदिन जीवनात क्रीडेला योग्य स्थान दिले पाहिजे.