गुरु हा संतकुळीचा राजा ।
गुरु हा प्राणविसावा माझा ।
गुरुवीणा देव दुजा ।
पाहतां नाहीं त्रिलोकीं ॥१॥
गुरु हा सुखाचा सागर ।
गुरु हा प्रेमाचा आगर ।
गुरु हा धैर्याचा डोंगर ।
कदाकाळी डळमळीना ॥२॥
गुरु वैराग्याचें मुळ ।
गुरु हा परब्रह्म केवळ ।
गुरु सोडवी तात्काळ ।
गांठ लिंगदेहाची ॥३॥
गुरु हा साधकांशीं साह्य ।
गुरु हा भक्तांलागीं माय ।
गुरु हा कामधेनु गाय ।
भक्तांघरीं दुभतसे ॥४॥
गुरु घाली ज्ञानांजन ।
गुरु दाखवी निज धन ।
गुरु सौभाग्य देऊन ।
साधुबोध नांदवी ॥५॥
गुरु मुक्तीचे मंडन ।
गुरु दुष्टांचें दंडन ।
गुरु पापाचें खंडन ।
नानापरी वारितसे ॥६॥
काया काशी गुरु उपदेशी ।
तारक मंत्र दिला आम्हांसी ।
बापरखुमादेविवरासी ।
ध्यान मनासीं लागलें ॥७॥
गुरूपौर्णिमेच्या हार्दिक शुभेच्छा व प्रणाम
🚩🙏🏻🚩🙏🏻🚩🙏🏻🚩
.jpeg)
No comments:
Post a Comment