भाऊबीज

हार्दिक शुभेच्छा🪷🪔🪷

भाऊबीज भाऊ-बहिणीचं पवित्र

जपणारा प्रकाश महापर्व

दीपावलीचा महत्वाचा दिवस

या भाऊबीजेच्या आपणास

मंगलमय हार्दिक हार्दिक शुभेच्छा..!

   हे बंध स्नेहाचे, हे बंध रक्षणाचे ! 

   भाऊबीज, अर्थात बहीण-भावातील नाते वृद्धिंगत करणारा आजचा पवित्र दिवस. या पवित्रदिनी भाऊ बहिणीचे नाते अधिक घट्ट होवो, हीच मंगल सदिच्छा! आपणा सर्वांना भाऊबीजेच्या हार्दिक शुभेच्छा...!!

कार्तिक शुद्ध द्वितीया "भाऊबीज"

दिवाळीतील व हिंदू धर्मातील प्रसिद्ध सण...

    भाऊबीज हा हिंदुधर्मीय भाऊ-बहीण साजरा करीत असलेला एक सण आहे. हा सण कार्तिक शुद्ध द्वितीया (यमद्वितीया) या दिवशी असतो. हा महाराष्टीय पद्धतीच्या दिवाळीतला सहावा दिवस असतो. या सणास हिंदीत भाईदूज म्हणतात.

    या दिवशी बहिणीच्या किंवा स्वतःच्या घरी भाऊ गोडधोड भोजन करतो आणि सायंकाळी चंद्राची कोर दिसल्यानंतर बहीण प्रथम चंद्रकोरीस व नंतर भावाला ओवाळते. भाऊ मग ओवाळणीचे ताटात 'ओवाळणी' देऊन बहिणीचा सत्कार करतो.

     कायस्थ समाजाचे लोक या दिवशी चित्रगुप्ताच्या देवळात जाऊन दौत-टाकाची आणि चित्रगुप्ताची पूजा करतात. या दिवशी यमराजाने आपली बहीण यमुनेच्या घरी जाऊन तिला वस्त्रे अलंकार इत्यादी वस्तू देऊन तिच्या घरी भोजन केले म्हणून या दिवसाला यमद्वितीया म्हणतात. या दिवशी यमुना नदीत स्नान करणे अत्यंत पवित्र मानतात म्हणजे असे केल्यामुळे त्यावर्षी यमपासून तरी भय नसते असा समज आहे. यम आणि यमी या भावा-बहिणीच्या प्रेमाबद्दल अशी कथा आहे की यम मृत्यू पावला त्यावेळी यमीला एवढे दुःख झाले की ती आपली रडणे व डोळ्यांतील अश्रू काही केल्या थांबवेना. तेव्हा शेवटी दिवस संपला हे दाखवण्यासाठी देवाने रात्र निर्माण केली आणि मग यमीचे भावा बद्दलचे दुःख थोडेसे हलके झाले तेव्हापासून भाऊबीजेची प्रथा पडली. आपल्या भावाचे आयुष्य वाढावे म्हणून बहिणीने यमराजाची पूजा आणि प्रार्थना करवयाची.

     या दिवशी बहीण भावाला आरती ओवाळून त्याची पूजा करीत असते त्याला प्रेमाचा टिळा लावते तो टिळा बहिणीच्या निस्वार्थी प्रेमभावना व्यक्त करीत असतो भावाची पूजा म्हणजे यमराजाच्या पाशातून म्हणजे मृत्यूपासून भावाची सुटका व्हावी व तो चिरंजीव राहावा हा यामागचा उद्देश असतो. भाऊ आपल्या यथाशक्तीप्रमाणे पैसे कापड दागिना असे वस्तू ओवाळणी टाकतो. या दिवशी घरी जेवण करू नये व पत्नीच्या हातचे जेवण करू नये असे धर्मग्रंथात सांगितले आहे. जवळचा किंवा दूरचा भाऊ नसल्यास चांदोबास ओवाळण्याची पद्धत आहे आपल्या सणामागे असलेल्या कल्पनांची विशाल पण यावरून दिसून येते.

 भारतीय संस्कृतीमध्ये हा दिवस आनंदात साजरा केला जातो बहिण भावाला ओवाळते व भाऊ बहिणीस ओवाळणी देतो म्हणजेच बहिण ओवाळते व ओवाळत असताना ईशवराकडे भावास कसलेही संकट येवू नये माझा भाऊ वर्षभर आनंदी राहावा म्हणून प्रार्थना करते आणी भाऊ बहिण आनंदी राहावी बहिणीला कसलेही संकट येवू नये व आलेच तर संकट काळी मी निवारण करण्यासाठी सदैव तुझ्यासोबत आहे घाबरू नकोस म्हणून आधार देत आसतो आसा हा आनंदाचा हा दिवस आसतो.